النهارده هنتكلم على واحدة من أكبر الشركات فى مجال الEmbedded Systems و هى شركة National Instruments 😀

الشركة متخصصة فى صناعة ال automated test equipment و اللى هى أجهزة إختبار عالية جدا و  virtual instrumentation و اللى هى بتجمع software و hardware للقياس :3

الشركة بتبيع منتجاتها لأكتر من 35000 شركة تانية B| و أشهرهم فى مصر اللى نعرفه Valeo و NARSS و فيه شركات و مصانيع كتيرة بتحتاج منتجاتها اللى دقتها و قوتها بتنافس أى microcontroller عادى :v

و قوتها بترجع إن أجهزتها FPGA  مش زى باقى أنواع الmicrocontrollers العادية و من أشهر الأجهزة بتاعتها myDAQ و myRIO

و الأجهزة ديه بتتبرمج بلغة رسومية هى الLabVIEW و هى كلها رسم و تركيب و ده خلاها لغة سهلة جدا و مفيش فيها تعقديدات اللغات التقليدية زى الC -_- و ده خلى التركيز أكتر على إيه اللى عاوزين نعمله مش إزاى نكتبه 😀

الشركة مقرها الرئيسى فى Texas و فرعها الرئيسى فى الشرق الأوسط فى لبنان و ليهم فرع فى مصر فى التجمع

و ليهم مركز تدريب فى الشركة نفسها و فى المعهد العالى للتكنولوجيا HTI و من أشهر الشهادات ليهم هى الCLAD أو Certified LabVIEW Associate Developer

البرامج و الأجهزة مفيده جدا لأقسام إتصالات و طيران

معلومة كمان و هو انه من الحاجات الجميلة انه فيه نشاط طلابى فى مصر تابع للشركة و هما LabVIEW Student Ambassadors فى هندسة القاهرة و بيعملوا تدريبات و دورات فى البرنامج و الأجهزة الخاصة بالشركة و فيه متابعه دائمة من الشركة معاهم و ده لينك الصفحة بتاعتهم: https://goo.gl/tWAjzf